Kibrahacha
Kiko ta Kibrahacha ?
Kibrahacha ta un grupo di JJIC pa stimulá e hóbennan ku ta positivo pa keda komportá positivamente i yuda otro hóben tambe bira positivo.

Kiko ta e meta di Kibrahacha:
krea hóbennan ku un karakter stabil i aktitut positivo ku por stimulá otro hóbennan pa asina nan tambe por bira positivo.
krea un tim di hóben ku por sostené lidernan.
 
Kon bo por drenta Kibrahacha:
  • esaki ta dependé di skor “Force Field”(komportashon positivo na sala, skol, tereno, kas, tur kaminda pafó di JJIC i karga normanan di JJIC).
  • bo mester tin 4 positivo tras di otro pa bo bira Aspirant Kibrahacha.
  • bo ta haña tareanan ku bo tin ku hasi komo Aspirant
  • Kibrahacha.
  • instalashon di Kibrahacha

Tin tres nivel den grupo Kibrahacha:
  1. Bishitante
  2. Aspirant - Kibrahacha
  3. Kibrahacha

Loke ta spera di un miembro di “Kibrahacha”:
Ta spera ku un miembro di “Kibrahacha” ta un ehèmpel positivo den tur sentido di palabra pa e demas hóbennan. Un miembro di “Kibrahacha” mester por aserka tur hóbennan na momentu ku e ta nota ku esaki su “Force Field” no ta bayendo bon i tambe pa duna kòmplimènt.

Den Kibrahacha tambe ta focus riba:
  • Bienestar soshal
  • Bienestar kognitivo
  • Bienestar spiritual
  • Bienestar material
  • Bienestar kultural
Aktividatnan ku ta wòrdu organisá durante sekshonnan di Kibrahacha:
Komo miembro di Kibrahacha tin diferente aktividat sosial ku ta wòrdu organisá p.e. bishitá kas di hende grandi. Pa dibertí por bai p.e. movies. Tambe tin charlanan ku tópikonan hopi interesante ku ta na interes di e hóbennan. E parti físiko no ta keda afó, aki nan nos ta hasi aktividat pa kondishon i alabes dibertí.
 
 
 
Developed with QwikZite (version 1.12)